ரெட்மி 13சி 5ஜி போனின் பிராஸசர் இதுதான்.? வெளியீட்டிற்கு முன்பே அறிவித்த நிறுவனம்,!

ரெட்மி 13சி (Redmi 13C) ஸ்மார்ட்போனின் 4ஜி மற்றும் 5ஜி மாடல்கள் இந்தியாவில் டிசம்பர் 6ம் தேதி அறிமுகம் செய்யப்படவுள்ளது. இதில் ரெட்மி 13சி 4ஜி (Redmi 13C 4G) ஆனது நைஜீரியாவில் ஏற்கனவே அறிமுகமாகிவிட்டது. தற்போது இந்தியாவில் வெளியாகவுள்ளது.

ஆனால் ரெட்மி 13சி 5ஜி (Redmi 13C 5G) மாடல் உலகளவில் அறிமுகமாகிறது. இந்த ஸ்மார்ட்போனின் விவரங்கள் ஏதும் வெளியாகவில்லை என்றாலும், ரெட்மி நிறுவனம் போனில் பொருத்தப்பட்டுள்ள பிராசஸர் என்ன என்று வெளிப்படுத்தியுள்ளது. அதோடு இந்த ஸ்மார்ட்போன் எம்ஐ.காம் மற்றும் அமேசானில் விற்பனைக்கு வரும்.

டிஸ்பிளே

ரெட்மி 13சி 4ஜி ஸ்மார்ட்போனில் 1600×720 பிக்சல் ரெசல்யூஷன் கொண்ட 6.74 இன்ச் டாட் டிராப் எல்சிடி டிஸ்ப்ளே உள்ளது. இந்த டிஸ்பிளே 90 ஹெர்ட்ஸ் ரெஃப்ரெஷ் ரேட் மற்றும் 450 முதல் 600 நிட்ஸ் வரையிலான பீக் பிரைட்னஸ் கொண்டுள்ளது.

24ஜிபி ரேம்..50 எம்பி கேமரா..5000mAh பேட்டரி.! ரெட்மியின் புதிய மாடல் என்ன தெரியுமா.?

இதே டிஸ்பிளே ரெட்மி 13சி 5ஜி போனில் பயன்படுத்தப்படலாம். பாதுகாப்பிற்க்காக கார்னிங் கொரில்லா கிளாஸ், சைடு மவுண்டட் ஃபிங்கர் பிரிண்ட் சென்சார் மற்றும் ஏஐ பேஸ் அன்லாக் வசதி உள்ளது.

பிராசஸர்

ஆர்ம் மாலி-ஜி52 எம்சி2 கிராஃபிக்ஸ் கார்டுடன் இணைக்கப்பட்ட மீடியாடெக் ஹீலியோ ஜி85 சிப்செட் ஆனது ரெட்மி 13சி 4ஜி போனில் பொருத்தப்பட்டுள்ளது. ஆண்ட்ராய்டு 13 அடிப்படையிலான எம்ஐயுஐ 14 உள்ளது.

ரெட்மி 13சி 5ஜி போனில் மீடியாடெக் டைமன்சிட்டி 6100+ சிப்செட் பொருத்தப்பட்டுள்ளது என்பதை நிறுவனம் உறுதி செய்து டீசர் ஒன்றை வெளியிட்டுள்ளது.

இதே பிராசஸர் ரியல்மீ 11 5ஜி மற்றும் ரியல்மீ 11X 5ஜி இல் இருக்கிறது. மேலும் விர்ச்சுவல் ப்ராக்ஸிமிட்டி சென்சார், அம்பியண்ட் லைட் சென்சார், எலக்ட்ரானிக் காம்பஸ் போன்ற சென்சார்கள் உள்ளன.

கேமரா

இந்த டீஸரில் ரெட்மி 13சி 5ஜி போனில் டபுள் ரியர் கேமரா அமைப்பு உள்ளது உறுதியாகியுள்ளது. அதில் 50எம்பி மெயின் கேமரா மற்றும் ஏஐ அம்சத்துடன் கூடிய 2 எம்பி டெப்த் கேமரா இருக்கும் என்று எதிர்பார்க்கப்படுகிறது. செல்ஃபிக்காக 8 எம்பி கேமரா பொருத்தப்பட்டுள்ளது.

இதனால் முன்புறம் மற்றும் பின்புறத்திலும் 720 பிக்சல் முதல் 1080 பிக்சல் தெளிவுடன் கூடிய வீடியோவைப் பதிவு செய்ய முடியும். ஃபிலிம் மோட், எச்டிஆர் மோட், நைட் மோட், போர்ட்ரெய்ட் மோட், 50 எம்பி மோட் போன்ற கேமரா அம்சங்களுடன் வரலாம்.

ஒரே தேதியில் 4ஜி மற்றும் 5ஜி.! ரெட்மியின் புது மாடல் என்ன தெரியுமா.?

பேட்டரி

192 கிராம் எடை கொண்ட ரெட்மி 13சி 4ஜி போனில், அதிக நேர பயன்பாட்டிற்காக 5000 mAh திறன் கொண்ட பேட்டரியுடன் பொருத்தப்பட்டுள்ளது. இதனை சார்ஜ் செய்ய 18 வாட்ஸ் ஃபாஸ்ட் சார்ஜிங் வசதி கொடுக்கப்பட்டுள்ளது. அதேபோல ரெட்மி 13சி 5ஜி போனிலும் 5000 mAh பேட்டரி பொருத்தப்படலாம்.

ஸ்டோரேஜ் மற்றும் விலை

ஸ்டார்ஷைன் க்ரீன், லிலாக் (இளஞ்சிவப்பு) மற்றும் ஸ்டார்டஸ்ட் பிளாக் ஆகிய மூன்று நிறங்களில் அறிமுகமாக உள்ள ரெட்மி 13சி 5ஜி ஆனது, 8 ஜிபி ரேம் மற்றும் 256 ஜிபி வரை ஸ்டோரேஜுடன் வரலாம். இதன் விலை ரூ.15,000 க்கும் குறைவாக இருக்கலாம்.

ரெட்மி 13சி 4ஜி ஆனது 4ஜிபி ரேம் + 128ஜிபி ஸ்டோரேஜ், 6 ஜிபி ரேம் + 128 ஜிபி ஸ்டோரேஜ் மற்றும் 8 ஜிபி ரேம் + 256 ஜிபி ஸ்டோரேஜ் என 3 மாடல்களில் உள்ளது. இதில் 4ஜிபி ரேம் வேரியண்ட் (ரூ.10,100) என்ற விலையிலும், 6 ஜிபி ரேம் (ரூ.11,200) என்ற விலையிலும், 8 ஜிபி ரேம் (ரூ.12,500) என்ற விலையிலும் விற்பனைக்கு உள்ளது என்பது குறிப்பிடத்தக்கது.