சென்னை : 2026 தமிழ்நாடு சட்டமன்றத் தேர்தலில் தமிழக வெற்றிக் கழகம் (தவெக) தலைவர் நடிகர் விஜய், சென்னை பெரம்பூர் சட்டமன்றத் தொகுதியில் போட்டியிட உள்ளதாக தகவல் வெளியாகியுள்ளது. இது தொடர்பான உறுதியான முடிவை தவெக தலைமை எடுத்துள்ளதாக கட்சி வட்டாரங்கள் தெரிவிக்கின்றன.
விஜய் நாளை மறுநாள் (மார்ச் 30) பெரம்பூர் தொகுதியில் தனது வேட்பு மனுவைத் தாக்கல் செய்ய உள்ளார். வேட்பு மனு தாக்கலுக்குப் பிறகு, அவர் தீவிர தேர்தல் பிரச்சாரத்தைத் தொடங்கவும் திட்டமிட்டுள்ளார். இதன்மூலம் பெரம்பூர் தொகுதியில் தவெகவின் வேட்பாளராக விஜய் களமிறங்குவார் என்று எதிர்பார்க்கப்படுகிறது.
வேட்பு மனுவில் குறிப்பிட வேண்டிய முக்கிய விவரங்கள், சொத்து விவரங்கள், கிரிமினல் வழக்குகள் உள்ளிட்ட அனைத்து தகவல்களையும் சரியாக பதிவு செய்வது குறித்து விஜய் தனது வழக்கறிஞர்களுடன் தீவிர ஆலோசனை நடத்தி வருகிறார். சட்டரீதியான அனைத்து நடைமுறைகளையும் முழுமையாகப் பின்பற்றி வேட்பு மனு தாக்கல் செய்ய தவெக தரப்பு தயாராகி வருகிறது.
பெரம்பூர் தொகுதியில் விஜய் போட்டியிடுவது உறுதியானால், அது தவெகவுக்கு மிகப் பெரிய ஊக்கத்தை அளிக்கும் என்று கட்சி நிர்வாகிகள் நம்புகின்றனர். விஜய்யின் நேரடி பிரச்சாரம் தொகுதி மக்களிடையே பெரும் வரவேற்பைப் பெறும் என எதிர்பார்க்கப்படுகிறது.வேட்பு மனு தாக்கல் செய்த பிறகு விஜய் தனது தேர்தல் பிரச்சாரத்தை தீவிரப்படுத்துவார் என்று தெரிவிக்கப்பட்டுள்ளது. இது தவெகவின் தேர்தல் உத்தியில் முக்கியமான கட்டமாகப் பார்க்கப்படுகிறது. பெரம்பூர் தொகுதியி