அகமதாபாத்: இந்தியன் பிரீமியர் லீக் (ஐபிஎல்) 2026 தொடரில், குஜராத் டைட்டன்ஸ் அணி சிறப்பான ஆல்-ரவுண்ட் ஆட்டத்தை வெளிப்படுத்தி, கொல்கத்தா நைட் ரைடர்ஸ் அணியை 5 விக்கெட் வித்தியாசத்தில் வீழ்த்தியது.நரேந்திர மோடி ஸ்டேடியத்தில் வெள்ளிக்கிழமை (ஏப்ரல் 17) நடைபெற்ற 25-வது லீக் போட்டியில், முதலில் பேட்டிங் செய்ய அழைக்கப்பட்ட கொல்கத்தா அணி 180 ரன்களுக்கு ஆல் அவுட் ஆனது. பதிலுக்கு களமிறங்கிய குஜராத் அணி 19.4 ஓவர்களில் 5 விக்கெட் இழப்புக்கு 181 ரன்கள் எடுத்து வெற்றி பெற்றது.
கொல்கத்தா அணியின் சார்பில் கேமரூன் கிரீன் சிறப்பாக விளையாடி 55 பந்துகளில் 79 ரன்கள் எடுத்தார். ரோவ்மன் பவல் 20 பந்துகளில் 27 ரன்களும், ராமானந்த் சிங் 8 பந்துகளில் 17 ரன்களும் எடுத்தனர். ஆனால் தொடக்கத்தில் ஏற்பட்ட சரிவு கொல்கத்தா அணியின் மொமெண்டத்தை பாதித்தது.குஜராத் அணியின் பந்துவீச்சில் ககிஸோ ரபாடா 3 விக்கெட்டுகளும், முகமது சிராஜ் மற்றும் அசோக் சர்மா தலா 2 விக்கெட்டுகளும் வீழ்த்தினர்.
பதிலுக்கு பேட்டிங் செய்த குஜராத் அணியை கேப்டன் ஷுப்மன் கில் தலைமையில் சிறப்பாக வழிநடத்தினார். 50 பந்துகளில் 86 ரன்கள் எடுத்த அவர், அணியின் வெற்றிக்கு முக்கியப் பங்காற்றினார். ஜோஸ் பட்லர் 15 பந்துகளில் 25 ரன்களும், சாய் சுதர்சன் 16 பந்துகளில் 22 ரன்களும் எடுத்தனர். க்ளென் பிலிப்ஸ் மற்றும் ராகுல் தேவதியாவின் பங்களிப்புடன் குஜராத் அணி இலக்கை எட்டிப் பிடித்தது.
கொல்கத்தா அணியின் பவர் ப்ளே மீண்டும் சொதப்பல்
கொல்கத்தா அணியின் இன்னிங்ஸ் மோசமான தொடக்கத்துடன் அமைந்தது. கேப்டன் அஜிங்க்யா ரஹானே டக் அவுட் ஆனார். முதல் 6 ஓவர்களில் 37 ரன்கள் மட்டுமே எடுத்து 2 விக்கெட்டுகளை இழந்தது. இந்த சரிவு அணியின் மொமெண்டத்தை பெரிதும் பாதித்தது.
கேமரூன் கிரீன் மீண்டும் சிறப்பு
சீசனின் தொடக்கத்தில் அமைதியாக இருந்த கேமரூன் கிரீன், இந்தப் போட்டியில் 55 பந்துகளில் 79 ரன்கள் எடுத்து அணியை மீட்டெடுத்தார். அவரது ஆட்டம் அமைதியும் கட்டுப்படுத்தப்பட்ட அதிரடியும் கலந்ததாக இருந்தது.
ஷுப்மன் கில் கேப்டன் ஸ்பெஷல்
குஜராத் அணியின் கேப்டன் ஷுப்மன் கில் 50 பந்துகளில் 86 ரன்கள் எடுத்து அணியை வெற்றிப் பாதைக்கு அழைத்துச் சென்றார். அவர் ஆட்டத்தை சரியான கட்டுப்பாட்டுடன் நடத்தினார்.இந்த வெற்றியின் மூலம் குஜராத் டைட்டன்ஸ் அணி புள்ளிப்பட்டியலில் வலுவான நிலையைப் பெற்றுள்ளது. மறுபுறம், கொல்கத்தா நைட் ரைடர்ஸ் அணி இன்னும் ஒரு வெற்றியை கூட பெறாமல் தொடர்ந்து தோல்வியை சந்தித்து வருகிறது.