INDvsBAN TESTSERIES: தேனீர் இடைவேளையில் வங்கதேச அணி 184/5 ரன்கள் குவிப்பு.!

இந்தியாவிற்கு எதிரான 2-வது டெஸ்டில் வங்கதேச அணி தேனீர் இடைவேளையின் போது 184/5 ரன்கள் குவிப்பு.

இன்று தொடங்கிய இந்தியா-வங்கதேசம் இடையேயான இரண்டாவது டெஸ்ட் போட்டியில் டாஸ் வென்ற வங்கதேச அணி முதலில் பேட்டிங்கை தேர்வு செய்தது. முதலில் களமிறங்கிய வங்கதேச அணியில் தொடக்க வீரர்களான நஜ்முல் ஹுசைன் 24 ரன்கள் மற்றும் ஜாகிர் ஹசன் 15 ரன்களுக்கு ஆட்டமிழந்தனர்.

அதன்பிறகு இறங்கிய கேப்டன் ஷாகிப் அல் ஹசன், 16 ரன்களுக்கு உமேஷ் யாதவ் பந்தில் ஆட்டமிழக்க, மொமினுல் ஹக் மற்றும் முஷ்பிகுர் ரஹீம் ஜோடி ஓரளவு ரன்கள் சேர்த்த நிலையில் முஷ்பிகுர் ரஹீம் 26 ரன்களுக்கு ஆட்டமிழந்தார். தொடர்ந்து சிறப்பாக விளையாடிய மொமினுல் ஹக், தனது அரைசதத்தை பூர்த்தி செய்தார்.

லிட்டன் தாஸ், மொமினுல் ஹக் உடன் ஜோடி சேர்ந்து 42 ரன்கள் குவித்தனர். லிட்டன் தாஸ் 25 ரன்களில் அஸ்வின் பந்தில் அவுட் ஆனார். தேனீர் இடைவேளை வரை அந்த அணி 5 விக்கெட் இழப்புக்கு 184 ரன்கள் குவித்துள்ளது. மொமினுல் ஹக் 65* ரன்களும், மெஹதி ஹசன் 4* ரன்களும் எடுத்து விளையாடி வருகின்றனர்.

இந்திய அணி தரப்பில் அஸ்வின் மற்றும் உனட்கட் தலா 2 விக்கெட்கள் வீழ்த்தியுள்ளனர்.