சிம்பு திருமணத்திற்கு பிறகே என் திருமணம்.! – நடிகர் ஜெய்.!!
திருமணம் குறித்து கேட்கப்பட்ட கேள்விக்கு நடிகர் ஜெய் பதில் அளித்துள்ளார்.
தமிழ் சினிமாவில் விஜய்க்கு தம்பியாக பகவதி படத்தில் நடித்ததன் மூலம் அறிமுகமானவர் நடிகர் ஜெய். இவரது நடிப்பில் தற்போது பார்டி, சிவ சிவா, எண்ணித்துணிக ஆகிய படங்கள் ரிலீஸுக்கு தயாராகவுள்ளது. விரைவில் இதற்கான ரிலீஸ் தேதிகள் அறிவிக்கப்படும் என எதிர்பார்க்கப்படுகிறது.
மேலும், சில புதிய திரைப்படங்களிலும் நடிக்க கமிட் ஆகியுள்ளார். இந்த நிலையில், நேற்று சென்னையில், தமிழ் திரைப்பட பத்திரிகையாளர்கள் சங்கத்தின் விழா நடைபெற்றது. இதில் சிறப்பு விருந்தினராக நடிகர் ஜெய் கலந்து கொண்டுள்ளார்.
நிகழ்ச்சியில் திருமணம் குறித்து கேட்கப்பட்ட கேள்விக்கு பதில் அளித்துள்ளார். செய்தியாளர்கள் ஜெய்யிடம் திருமணம் எப்போது என்று கேள்வி எழுப்பினர். அதற்கு நடிகர் ஜெய், “சிம்பு திருமணத்திற்கு பிறகு நான் திருமணம் செய்து கொள்வேன்” என பதிலளித்துள்ளார்.
