ஜெலன்ஸ்கியை பின்னுக்குத் தள்ளி மாலத்தீவு அதிபர் சாதனை.! அப்படி என்ன தெரியுமா?

மாலத்தீவு : உலக பத்திரிகை சுதந்திர தினத்தில் மாலத்தீவு அதிபர் முகம்மது முய்ஸு 14 மணி நேரம் 54 நிமிடங்கள் பத்திரிகையாளர் சந்திப்பு நடத்தி சாதனை படைத்துள்ளார். இதற்கு முன்பு உக்ரைன் அதிபர் விளாடிமிர் ஜெலன்ஸ்கி 14மணி நேரம் பத்திரிகையாளர் சந்திப்பு நடத்தியிருந்தார்.

முன்னதாக, அக்டோபர் 2019 இல், உக்ரைன் ஜனாதிபதி வோலோடிமிர் ஜெலென்ஸ்கி 14 மணி நேர பத்திரிகையாளர் சந்திப்பை நடத்தி, பெலாரஷ்ய ஜனாதிபதி அலெக்சாண்டர் லுகாஷென்கோ நடத்திய 7 மணி நேர பத்திரிகையாளர் சந்திப்பின் சாதனையை முறியடித்தார். இப்போது முகமது முய்சு ஜெலென்கியின் சாதனையை முறியடித்துள்ளார்.

46 வயதான முய்ஸு, கடந்த சனிக்கிழமை உள்ளூர் நேரப்படி காலை 10 மணிக்கு பத்திரிகையாளர் சந்திப்பைத் தொடங்கினார். இருப்பினும், இந்த நேரத்தில், பிரார்த்தனை செய்ய சிறிது நேரம் எடுத்துக்கொள்ளப்பட்டது. முய்ஸுமொத்தம் 14 மணி நேரம் 54 நிமிடங்கள் தொடர்ந்து ஊடகங்களுக்கு மத்தியில் உரையாடினார்.

இந்த பத்திரிகையாளர் சந்திப்பு நள்ளிரவுக்குப் பிறகும் தொடர்ந்தது. இதன் மூலம், இந்த பத்திரிகையாளர் சந்திப்பு எந்தவொரு நாட்டின் ஜனாதிபதியாலும் முறியடிக்க முடியாத ஒரு பெரிய சாதனையாகும். இது குறித்த தகவல்களை முய்சுவின் அலுவலகம் வழங்கியுள்ளது.